Somos a biblioteca do CEIP Ramón Otero Pedrayo da Laracha.
Estamos creando un novo proxecto de biblioteca, un novo espazo no que descubrir, aprender e soñar a través dos contos e dos libros... Vés con nós?
Estamos a piques de rematar o primerio trimestre no que fixemos distintas actividades na biblio. Este ultimo mes de decembro o adicamos a facer diferentes activiades relacionadas co Nadal.
ESPAZO FEDELLEIRO
EXPOSICIÓN DE EXEMPLARES
LECTURAS EN VOZ ALTA
E como non podía ser doutra maneira, rematamos tamén este trimestre dando un GRAZAS ENORME ao alumnado voluntario que axuda cada día na biblioteca, sen vós non sería posible todo o traballo!
Por último, como cada nadal, compartimos con vós unha chea de novidades lectoras que podedes pedir na vosas cartas a Papá Noel, o Apalpador e aos Reis Magos. Un conto ou libro sempre será un bo regalo!
Desfrutade das vacacións cos vosos seres queridos! En nada estamos de volta!
Continuamos no mes de novembro coas lecturas en voz alta, esta vez para conmemorar o 25N, o Día Internacional contra a violencia de xénero.
Os compis de primeiro, leron "Maruxa", de Eva Mejuto e Mafalda Milhões, de Oqo. Lerono Alba, Dario, César, Carlota, Aldara, Brais, Marta e Lola.
O libro "Los hombres no pegan", de Beatriz Moncó, da editorial Bellaterra, lerono Beti, Rosalia, Noa, Enmanuela, Enzo, Tomás, Lara, Navia e Leo, de 3ºA, para os nenos e nenas do segundo ciclo.
Para o terceiro ciclo leron os alumnos de 5ºA: Lola, Noa, Sabela, Marcos, Isaac, Leia, Lucía e Iker, o libro "Ao revés", de Florence Hinckel, da editorial Sushi Books.
Comezamos as lecturas en voz alta deste curso. Aproveitamos o Samaín para ler tres contos terroríficos:
Para o alumnado do primeiro ciclo leuse "Queda sitio na vasoira?", de Julia Donaldson, da editorial Patasdepeixe. Lerono os alumnos de 2º: Ines, Xabi, Daira, Xiana, Brais e Martina.
O libro "Prodigioso repelús", de Juana Cortes Amunarriz, da editorial Anaya, lerono Carmen, Alejandro, Brayton, Ada, Ángeles e Leo, de 4ºA, para os nenos e nenas do segundo ciclo.
Para o terceiro ciclo leron os alumnos de 6ºA: Noa, Sophía, Arianna, Andrea, Daniela G., Daniela P. e Jacobo, o libro "Liliam Strawberry", de Abel Tome, da editorial Xerais.
Moitas grazas a todos e a todas pola participación.
Comezamos un novo curso 2024/25 e con él unha morea de aventuras agardan na nosa biblio. Este ano o PDI (proxecto documental integrado) do centro xirará ao redor do universo: "Otero Pedrayo, 50 anos sendo o centro do universo", conmemorando ademais os 50 anos do cole. Ramoniño xa está listo, e ti?
Aproveitamos o Día das Bibliotecas para propoñer a actividade "Da biblioteca ás estrelas", na que os nenos e nenas plasmarán nunha estrela o que significa para eles/as a biblioteca do cole. Moi pronto veredes o resultado.
Ademáis buscamos entre todos os nosos libros para seleccionar aqueles relacionados co proxecto, reunindoos nunha exposición para que profes e alumnos/as os poidades consultar e coller en prestamo. Moi pronto chegarán máis novidades, estade atentos e atentas!!
Pasámonos por aquí coa nosa derradeira publicación deste curso escolar.
Antes de pechar temos varias cousas que contarvos.
A primeira delas é que temos por aquí xa a versión online das nosas historias en BANDA DESEÑADA, a proposta creativa que se enviou ás aulas no mes de abril. Quedaron unhas historias ben chulas! Animámosvos a que as leades. En setembro teremos os exemplares físicos na nosa biblioteca!
Tamén temos que agradecer ao GRUPO DE ALUMNADO voluntario deste trimestre, algúns xa repetindo con nós por terceira vez. GRAZAS con maiúsculas aos nenos e nenas que en cada recreo nos axudan a que a biblio funcione mellor.
E xa, por último, compartimos con toda a nosa comunidade educativa, as nosas RECOMENDACIÓNS LECTORAS para este verán, pois xa sabedes que levar un libro con vós, é sempre unha das mellores compañías. Clickade para consultalas!
Agora si que si, despedímonos ata setembro, con grandes aprendizaxes no noso peto, con experiencias moi divertidas e con ganas tamén duns días de descanso para volver con moita enerxía. Que disfrutedes moito e feliz verán!
Compartimos por aquí as nosas últimas LECTURAS EN VOZ ALTA do curso do alumnado, adicadas á lingua galega, en homenaxe ás nosas Letras Galegas. Estes foron os exemplares escollidos, que fai pouco que chegaron á nosa biblioteca:
Para Infantil e 1º ciclo de Primaria, leron as nenas e nenos de 2ºB: Noa, Leo, Alma, Erick e Yaiza. Leron divertido cómic de MIÑOCA E COELLO, de Ramón D. Veiga (editorial Xerais, Merlín cómics).
No 2º ciclo, puidemos desfrutar da man Andrea, Carla J., Carmen, Aroa, Sofía, Antía, Gael, Nerea e Mauro, de 3ºB. Escoitamos O MISTERIO DO CEMITERIO VELLO, de Fina Casaldelrrey, da editorial SM.
Para o 3º ciclo, foi o alumnado de 5ºA o que nos leu XELÍS, O GUIERO DAS BOTELLAS DE MAR, escrito por Rosa Aneiros, da editorial Xerais. Eles e elas son Maeteo, Juan Carlos, Daniela Guillín, Noa Monteserín, Jacobo e David.
Hoxe pasámonos por aquí para ensinarvos as ÚLTIMAS NOVIDADES deste curso, que aínda que estemos en maio xa non queda nada para chegar á recta final deste ano olímpico!
No vídeo podedes ver os novos exemplares que xa están dispoñibles para levar en préstamo:
Aproveitamos tamén para ensinarvos as PROPOSTAS de traballo polo DÍA DAS LETRAS GALEGAS, este ano adicado a Luísa Villalta. Xunto co EDLG, deixamos á disposición do alumnado e do profesorado material para coñecer máis a esta autora homenaxeada e tamén xogos onde poder disfrutar da nosa lingua.
Adxuntamos o enlace ao material do Seminario Galán por se queredes acceder directamente, pois sempre fan un traballo excelente nesta importante conmemoración e na que o noso centro colabora.
Neste mes de ABRIL, no MES DO LIBRO, ademais das lecturas en voz alta, recomendacións lectoras e a nosa proposta creativa de banda deseñada que se compartiu a principios de mes, na nosa biblioteca propuxemos desfrutar un anaquiño cunha actividade de estacións de xogo.
As estacións de xogo están relacionadas coa temática do noso PDI este curso "Os xogos olímpicos" e tamén coa banda deseñada. As actividades eran as seguintes, adaptadas aos distintos niveis:
- Estación 1: CREANDO HISTORIAS. Ordenar secuencia de cómic ou crear a propia historia.
- Estación 2: ROBÓTICA. Descubrir as palabras secretas nos taboleiros.
- Estación 3: ACTIVIDADES INTERACTIVAS. Nas tablets ou na PDI.
- Estación 4: MEMORY DEPORTIVO.
- Estación 5: SALTO DE VALLAS no exterior da biblioteca.
Aquí podedes ver un resumo da participación do alumnado. Esperamos que o pasarades tan ben coma nós pensando as actividades.
Deixamos por aquí as LECTURAS EN VOZ ALTA que se prepararon este mes. Nesta ocasión, os exemplares escollidos foron NOVIDADES recén chegadas á nosa biblio. Aquí as podedes ver, e por suposto tamén levalas en préstamo:
No 1º ciclo e en Infantil, o alumnado de 2ºA leu "Caca en el zoo. El misterio de la caca descontrolada", de Steve Smallman e Ada Grey (editorial Beascoa). Leron Dara, Alejandro, Laia, Tomás, Sergio e Sonia.
O alumnado de 4ºB, Inés, Mía, Krisia, Julia Bolón, Nerea, Julia Lista e Iker, leron "Perro apestoso se enamora", de Colas Gutman e Marc Boutavant (editorial Blacky books), para o alumnado de 2º ciclo.
Por úlitmo, para o 3º ciclo de Primaria, leuse "La vida secreta de Rebeca Paradise", de Pedro Mañas e ilustracións de Bea Tormo (editorial SM). De 6ºC son Alexia, David, Martina, Álvaro, Iker, Brais e Marco.
Neste mes de abril, ademais de contar con estacións de xogo na biblio durante todo o mes como vimos facendo habitualmente durante todo abril, enviáronse ás aulas unhas BOLSAS CON EXEMPLARES de cómic/banda deseñeda para coñecer distintos exemplares deste xénero, non tan descoñecido, para darlle visibilidade, aproveitando o lema deste ano das BEGA: Unha biblioteca escolar en viñetas.
Ademais, aproveitamos para aumentar o noso fondo bibliográfico de banda deseñada, contando con algúns clásicos e outras novidades editoriais que non podía faltar.
Estas son as bolsas que recibiron ás aulas:
/ /
Aquí podedes ver un exemplo do material por niveis:
Nestas bolsas tamén incorporamos dous códigos con información sobre unha PROPOSTA de traballo e unha breve GUÍA informativa para coñecer máis en profunidade a Banda Deseñada. Clickade para saber o que esconden:
E aquí podedes ver tamén algunhas das novidades coas que contamos en cómic.
Comezamos este novo trimestre coa visita de PACO NOGUEIRAS, que veu presentarnos o seu novo traballo: un libro-disco chamado SON ANIMAL, da man de Kalandraka e que pronto teremos na nosa biblio.
O alumnado de 1º de Primaria e 6º de Infantil puido disfrutar coma sempre da súa música e das súas historias!
Grazas PACO polas túas visitas! Vémonos na próxima! =)
Aproveitamos esta entrada tamén para AGRADECER CON UN XIGANTE GRAZAS ao gran equipo de alumnado colaborador do 2º trimestre. Foi un pracer contar con todas elas e eles para as tarefas da biblioteca.
Algúns e algunhas deles repiten pero temos que dar paso a outro alumnado voluntario. Para o próximo curso contamos con vós seguro!
Volvemos por aquí para compartir con vós que este mes de marzo estivemos cheíños de actividades pola nosa biblio.
Aproveitando que o lema das bibliotecas escolares este curso céntrase na BANDA DESEÑADA, estivemos ampliando os nosos fondos deste xénero e propuxémonos afondar un pouco no debuxo, na ilustración e na importancia da imaxe na literatura.
Ademais, no próximo mes de abril, O MES DO LIBRO, queremos que o alumnado participe nunha proposta creativa relacionada coa banda deseñada.
Así, parte do noso alumnado puido disfrutar este mes duns obradoiros de ilustración e cómic.
O alumnado de 2º de Primaria pasouno en grande con PABLO OTERO. Un obradoiro centrado na creatividade para crear unha personaxe, onde os materiais de refugallo e a imaxinación do alumnado foron os protagonistas.
LUCÍA COBO acompañou o alumnado de 4º de Primaria na iniciación ao debuxo e a ilustración, partindo da súa experiencia. Tras unha breve charla sobre o seu traballo e como xurdiu a súa paixón pola ilustración, o alumnado púxose mans á obra coas súas creacións.
Por último, tivemos tamén o pracer de recibir a XULIA PISÓN, ilustradora de banda deseñada en galego. O alumnado de 6º tivo a oportunidade de coñecela e ademais desfrutar dun obradoiro moi completo no que paso a paso descubriron como crear personaxes, como dotalas de vida, como crear un bo storyboard...
Aproveitamos por suposto para que estas autoras nos firmasen os exemplares que temos na biblioteca, pois non todos os días podemos desfrutar destas visitas tan especiais!
Xa vedes que non paramos non? Grazas a todxs por aceptar a nosa invitación.
Despedímonos deste trimestre con estas propostas, pero atentxs, que abril pronto chega e volvemos coas pilas cargadiñas!
Deica pronto e a desfrutar destes días de descanso!
Este mes radicamos as lecturas en voz alta ao TEATRO (27 de marzo) e e POESÍA (21 de marzo), pois ambos teñen o seu día neste mes de marzo.
Os exemplares lidos foron os seguintes:
Esta ocasión, o alumnado de 5ºB de primaria leu un fragmento de teatro escolar para o alumnado de 3º ciclo: O CASTELO DE PEÑA REDONDA, O MáIS TOLO DA CONTORNA, escrito por Celia Díaz Núñez, da editorial Fervenza.
Son Mía, Alba, Paula, Simón, Sofía, Diego e Martín.
Para o 2º ciclo, o alumnado de 3ºA leu parte de SOMOS OS MONSTROS, de Paula Carballeira, editado por Xerais.
Leron Carmen, Daniela, Ángeles, Alejandro, Oliver e Sebas.
O alumnado de 1º leu varios poemas de VERSOS DE CUENTO, de Carmen Gil e ilustrado por Gusti (editorial SM), para os seus compañeiros e compañeiras de ciclo.
Son Nil, Ana, Laia, Daniella, Jorge e Alba.
Graciñas a todos por vir escoitar e tamén, coma sempre, o alumnado lector!
.jpeg)
.png)
