xoves, 27 de abril de 2023

ABRIL: MES DO LIBRO

 Boas de novo!

Como vos dixemos, este mes ven cargadiño de propostas divertidas!

Aquí vos deixamos un adianto con todas as propostas que prontiño veredes en acción.


Aquí tendes as ACTIVIDADES propostas para que cada aula pase pola nosa biblio e descubra un pouquiño máis dos contos que se foron traballando ao longo do curso por cada un dos grupos: 


E, por outra banda, nos tempos de RECREO, o alumnado tamén pode pasarse pola biblioteca e participar nalgunhas das propostas que aquí vedes:


Estas propostas estarán activas ata comezos de maio e despois vos ensinaremos como foron indo!
DEICA PRONTO!



sábado, 15 de abril de 2023

DÉIXAME QUE CHE CONTE... Contos e máis contos!

Boas de novo!

Neste comezo de trimestre, dende a biblio, repartimos unha boa partida de material creativo e xogos relacionados coa temática do noso PDI: A LITERATURA INFANTIL.

Puzzles, xogos de contos, cartas, dados de historias, marionetas, xogos de mesa... Sen perder de vista o carácter globalizado do proxecto, trátase de traballar a área da linguaxe e da creatividade a través de distinto material lúdico. Repartido para cada aula, poderase intercambiar co seu nivel ao longo do 3º trimestre e así disfrutar de distintas propostas. 

O próximo curso ademais, este material pasará a formar parte dos fondos da nosa biblio e poderase levar en préstamo e disfrutaremos del tamén no Espazo Fedelleiro. 

Aquí o podedes ver por cursos:



Aproveitamos tamén esta entrada para amosarvos os novos carteis de zonas que puxemos na biblio! Quedaron moi chulos... ou non?

Vémonos prontiño porque neste ABRIL, no mes do libro, traemos unha chea de sorpresas! Ademais, descubriremos o resultado do CONCURSO DE DESEÑO do logo da nosa radio "600 NAS ONDAS".

Ata pronto! =)