Somos a biblioteca do CEIP Ramón Otero Pedrayo da Laracha.
Estamos creando un novo proxecto de biblioteca, un novo espazo no que descubrir, aprender e soñar a través dos contos e dos libros... Vés con nós?
Este curso vai chegando o seu fin e non podíamos despedirnos sen recomendarvos un compañeiro de viaxe para este verán: un libro!
Animádesvos a descubrilos?
Compartimos pois estas recomendacións lectoras con títulos recentes para que descubrades novo vocabulario, desenvolvades a vosa imaxinación, coñezades personaxes curiosas que se convirtan en amigos e exploredes novos mundos.
Agardamos que encontredes unha boa historia que recordar!
Podedes compartir as vosas experiencias nas redes sociais etiquetándonos na nosa conta de Instagram (@bibliolaracha) ou enviarnos se queredes a bibliolaracha@gmail.com
Dende o Equipo de Biblioteca xa nos despedimos ata o próximo curso, desexándovos unhas felices vacacións e descanso (que ben o merecedes)! Nós tamén o precisamos e volveremos en setembro con moitísima enerxía e moitas propostas novas que seguro vos gustarán!
Estamos por aquí de novo para traervos os últimos traballos sobre a proposta de booktráiler que fixemos en maio dende o equipo de biblioteca.
Se queredes recordar en que consistía premede aquí.
Podedes ver aquí as xeniais ideas que nos trae o alumnado de 4º e 3º de Primaria. Estes libros, que encontraredes na biblioteca, son recomendados para lectores e lectoras a partir dos 8 anos.
O alumnado de 4ºA presenta "EL GRAN LIBRO DE LAS EMOCIONES", de Mary Hoffman e Ros Asquit, editorial Juventud.
Pola súa parte, a aula de 4ºC invítanos a descubrir "A BANDA DOS INSECTOS. PASANDO A BÓLA", escrito por Celtia Figueiras e ilustrado por Iago Araujo, Guindastre Edicións.
As rapazas e rapaces de 4ºD nos traen "CLARA E O RAPTO DO SOLPOR", de J.J. Fernández Rodríguez e Enrique López López, editado por Hércules edicións.
Tamén se suma a esta proposta o alumnado de 3ºC, que nos trae "CONTOS DE RECREO", de Alex Sampayo e Borja F. Caamaño, de Redrum teatro.
E ata aquí as marabillosas creacións das nenas e nenos do Otero Pedrayo e os seus profes!
Que gran traballo.
Moitísimas grazas por participar!
E... recordade que... TODOS ESTES LIBROS vos esperan en setembro na biblioteca!
Como non podía ser doutra maneira, comezamos a ensinarvos os booktráilers que foi facendo o alumnado.
Recordades en que consistían? Premede aquí para ver a proposta.
Estades preparados para velos? Desde logo que a creatividade non ten límites!
Moitas grazas por participar!
Iremos publicando estes booktráilers como recomendación de todos os niveis proximamente.
Aquí podedes ver estes libros, recomendados a partir de 9 anos:
6º B nos ensina "UNHA MESTRA EN APUROS", cómic divertido onde os haxa, escrito e ilustrado por Pilar Serrano e Jorge Campos, da editorial Bululú.
6º D preparou "EL CARTERO DEL ESPACIO", tamén cómic, escrito e ilustrado por Guillaume Perrault, da editorial Juventud.
5ºB nos trae en primicia"ALÉN DO AZUL", de Sara Carrasco e Silvia Iglesias, de Catro Ventos editora, un libro informativo sobre as especies da ría de Vigo.
5º A preséntanos "AGUS Y LOS MONSTRUOS. DE LIBRO EN LIBRO", colección da editorial Combel e escrito e ilustrado por Jaume Compons e Liliana Fortuny.
5º C presenta "YAYOI KUSAMA. DE AQUÍ AL INFINITO", un libro informativo sobre esta artista tan particular, con texto de Sarah Suzuki e ilustrado por Ellen Weinstein; editorial SM.
En setembro, cando regresedes á biblioteca xa sabedes que libros novos podedes levar en préstamo!
Vémonos prontiño para ensinarvos máis novidades doutros cursos! =)
Desta volta traemos xa as últimas videolecturas deste curso escolar, un apadriñamento lector para todo o centro, na que como vantaxe ten que as podemos ver e escoitar sempre que queiramos.
Para estas últimas lecturas o alumnado preparaou algunhas novidades da biblio...
aquí as podedes ver:
O alumnado de 1ºC, cóntannos "LAS PIRAÑAS NO COMEN BANANAS",
de Aaron Blabey (editorial Anaya), indicado para Educación Infantil e 1º curso.
Para 1º e 2º de Primaria, len "¿QUE HACES CON UNA IDEA?",
de Koby Yamada (editorial Birobiro), len Roque, Daniela, Jacobo e Gabriela de 2ºC.
Recomendado a partir de 8 anos, XXX, nenas e nenos de 4ºC nos len...
"TREBELLOS. LUME NO CEO", de Pere Tobaruela, de Baía edicións.
Por último, Nerea, Amaya, Brais, Daniela e Rafa de 6ºB, len "QUEN SALVA UN CAN", de Érica Esmorís (editorial Xerais), recomendado a partir de 10 anos...
Por unha parte, agradecer á Asesoría de Bibliotecas que nos recoñecera como unha das mellores actividades na proposta CREAcción Día do Libro 2021 xa que, acabamos de comezar como centro PLAMBE e supón un orgullo para nós como equipo e como cole.
Podedes recordar as fotos dos nosos "CONTOS ENXAULADOS" pinchando aquí
Como non podería ser doutra maneira tamén dar as grazas a todo o profesorado e ó alumnado por participar, xa que sin eles e elas non sería posible! =)
Aínda que xa pasaron uns días da data, hoxe queremos compartir con vós unha das actividades que fixo o noso alumnado con motivo do DÍA DAS LETRAS GALEGAS.
Como queríamos dar a coñecer tamén os "escornabots", xa que estamos montando o noso espazo fedelleiro para poñer en marcha o curso que vén, aproveitamos a vida e obra de Xela Arias e o día das Letras Galegas para traballalo dun xeito lúdico.
Dende a biblioteca mandamos unhas caixiñas con material para cada nivel:
Todas as propostas contaban con indicacións, taboleiros relacionados con Xela Arias axeitados ó nivel e tamén material manipulativo para crear circuitos.
Na aula, cada grupo podía xogar e manipular o robot ó mesmo tempo que aprendía algo sobre Xela.
Aquí podedes ver un breve resumo!
Vémonos pronto para traervos as últimas videolecturas do curso, os gañadores do Concurso de Contos enxaulados e tamén recomendacións lectoras para o verán!