NOVA: Mochilas viaxeiras temáticas

 Boas de novo amigxs!

Vimos con máis novidades!

 Este mes ven cargadiño de cousas novas! Pois por fin puxemos en marcha…

AS MOCHILAS VIAXEIRAS TEMÁTICAS. 

Van dirixidas ao alumnado de 3º e 4º de Primaria, para levar en préstamo durante unha semana.

Contamos con 3 mochilas distintas. Cada venres, as mochilas viaxarán ás casas das nenas e nenos e volverán os xoves para continuar as súas aventuras. Dentro contan con material diverso: unha película, un conto, libros informativos,… Aquí podedes ver o seu contido:

 NATUREZA

MEDO E MAXIA

CIENCIA-FICCIÓN

Xa tedes na biblioteca (4º) e no corcho da vosa planta (3º) as listas para apuntarvos! 

E ahí van os primeirxs afortunadxs! 

Estamos seguras de que terán éxito!

Non olvidedes comentarnos en que mellorar.

Unha aperta!

Ola ola de novo!!

Rematamos a semana da Ciencia e xa comezamos co Entroido, pero non antes sin ensinarvos o resultado das actividades propostas, que foi un éxito para o alumnado!

Aquí o podedes ver facendo desfrutando das propostas:

Ata pronto! 

Estreamos RADIO ESCOLAR!!

 EXTRA EXTRA! 

Estreamos a RADIO DO OTERO PEDRAYO! 

Coincidindo co día Mundial da Radio, 13 de febreiro, o alumnado de 6º comezou a súa andanza na radio. Gravaron este primeiro programa, no que, a pesar dos nervios iniciais, desfrutaron e achegáronse a este novo recurso.

Aquí podedes escoitalo:

https://go.ivoox.com/sq/1463899

Mañá tamén contamos cun programa especial de San Valentín, preparado polas nenas e nenos de 5º. 

Non volo perdades: https://go.ivoox.com/rf/82074619

Agardamos o disfrutedes tanto coma nós! 

Nestas semanas ademais imos buscarlle nome a radio. Pasádevos pola biblio e anotade se tedes algunha idea ou mandádea ao Instagram da biblio @bibliolaracha ou ao correo electrónico: radiolaracha22@gmail.com

Conectamos nas ondas moi pronto! 

Ata pronto!

É TEMPO DE ENTROIDO! Ramoniño continúa a súa viaxe...

 Boas de novo!

O noso Ramoniño continúa nesta viaxe por GALICIA MEIGA, e como non podía ser doutra maneira, a nova parada é OURENSE e os seus Entroidos.

Xa sabedes que en xeral, en toda Galicia, hai unha gran tradición polos disfraces e os traxes e que mellor maneira que viaxar coñecendo un chisco máis deles, comezando por Ourense: Peliqueiros, Pantallas, Boteiros, Cigarróns,... 

E outros non tan coñecidos pero igual de espectaculares como os Volantes de Chantada,  Felos de Maceda, Troteiro de Bande, os Xenerais do Ulla, os Merdeiros de Vigo, as pitas de Eiroas, as Madamas e Galáns de Cobres ou os Choqueiros da Coruña.

Aquí tendes un enlace con información moi interesante:

Na biblio contamos con algúns libros sobre o Entroido gealego que tamén podedes consultar.

Aquí vos deixamos dous interesantes enlaces máis que vos contarán tamén cousiñas do Entroido:

https://www.sientegalicia.com/blog/personajes-carnaval-galicia/

https://www.youtube.com/watch?v=gzBAOkOvYNM&t=434s

Recordade que dende o 14 ao 24 e febreiro podedes pasar pola biblioteca para participar no OBRADOIRO DE MÁSCARAS. 

Tamén temos o concurso "CREA O DISFRACE DO OTERO PEDRAYO", para participar creando a vosa propia personaxe do Entroido galego. Animádesvos?

Agardamos que disfrutedes destas propostas!

Vémonos prontiño!

Semana da Muller e a Nena na Ciencia

 OLA OLA!

Comezamos esta semana con "CIENCIA NO OTERO PEDRAYO", aproveitando a conmemoración da "Muller a nena na ciencia" o próximo 11 de febreiro.

Da man dos compis do equipo de Laboratorio e de Actividades complementarias, preparamos unha proposta diferente na nosa biblio. 

Dentro, contamos cunha exposición de libros que podedes levar en préstamo para coñecer máis sobre a ciencia en xeral e sobre as mulleres científicas. 

Ademais montamos 3 estacións: unha con circuitos eléctricos, outra de flotación e unha máis con actividades na nosa nova pantalla interactiva relacionada con mulleres españolas científicas. 

Ademais, no hall, contamos con outro espazo adicado a ÁNGELES ALVARIÑO, unha científica galega con moita relevancia. Non vos perdades o photocall "submarino" que preparamos! 

Podedes coñecer máis sobre ela pinchando aquí abaixo! Tedes  un vídeo informativo e tamén unha divertida ruleta con preguntas. 

E cando remate a semana veremos que nos contan as nenas e nenos desta experiencia e amosaremos o ben que o pasamos! !

Ata pronto!