BO NADAL E FELICES FESTAS!!

Por aquí estamos de novo, esta vez para despedir este trimestre!

Xa están as vacacións moi pretiño e como cada Nadal, queremos deixarvos unhas RECOMENDACIÓNS LECTORAS con novidades editoriais. Por que... que mellor que agasallar un libro?

Clicade na imaxe para velas!

E xa tamén, como non pode ser doutra maneira, dar un enorme GRAZAS ao alumnado voluntario que axuda nos recreos na biblioteca: sen todos e todas vós non sería posible! 

Despedímonos xa cunha grande aperta e desexándovos moi FELIZ NADAL!

LECTURAS DE NADAL: a hora de ler na biblio

 Boas de novo bibliopingueirxs!!

Queremos compartir con vós as últimas Lecturas en voz alta realizadas a semana pasada na biblioteca durante a Hora de ler, con temática de Nadal e bos desexos.  Todas as lecturas son exemplares que acaban de chegar á nosa biblio.

Para o 1º ciclo, o alumnado de 2ºB, leu "EL RENO DE NAVIDAD", de Nicola Killen. 

No 2º ciclo, as nenas e nenos de 3ºC leron unha peza teatral: "AOS REIS MAGOS NON LLES GUSTAN OS CARAMELOS DE MENTA", de Isabel Freire. 

Finalmente, o alumnado de 6ºA, nos leu a fantástica aventura de "EL CERDITO DE NAVIDAD", de J.K. Rowling.

Graciñas a todos e todas por vir e por suposto aos lectores/as!

Deica pronto!

PODCASTS DOS NOSOS CONTOS

Boas de novo!

Como sabedes, este curso estamos a desenvolver un proxecto sobre a literatura infantil "Déixame que che conte...". Cada aula escolleu un conto e está a traballar con el durante todo o curso... 

Unha proposta inicial que xurdiu o Día das Bibliotecas era crear un pequeno podcast no que se falara do conto ou historia escollida, e aquí os tendes. 

Disfrutade desta lista "Spotify" dos contos escollidos polas distintas aulas.  Clicade na seguinte imaxe que contén un enlace á nosa canle de IVOOX da nosa radio "600 NAS ONDAS" podedes escoitalos.

Na biblio tedes tamén a lista e as tablets para escoitalos durante os recreos.

Deica pronto!

Achégase o Nadal...

 Ola de novo biblipingueirxs!!

  Queríamos compartir con vós que xa na biblio temos novos exemplares coa temática de Nadal, historias moi chulas para ler e compartir! Aquí as podedes ver: 

Nesta semana faranse de novo as Lecturas en voz alta, na hora de ler, tal e como vedes no cartel. 

No ESPAZO FEDELLEIRO tedes retos para probar cos LEGO, animádesvos?

Vos deixamos tamén un enlace ao CALENDARIO DE ADVENTO DE CONTOS que prepararamos o curso pasado pero que podedes volver empregar durante este mes. 

http://bibliopingas.blogspot.com/2021/12/benvido-nadal-calendario-de-contos.html

Prontiño vos deixaremos tamén unhas RECOMENDACIÓNS LECTORAS para este Nadal. Agasallar un libro sempre é boa idea. 

Apertas!

LECTURAS 25N: Pola igualdade

 Boas a todxs!

Compartimos con vós as últimas lecturas en voz alta con motivo da conmemoración do 25N: Día internacional da eliminación da violencia contra a muller. 

Na "Hora de ler", o noso alumnado leu 3 obras xa coñecidas pero con moito fondo para pensar e reflexionar, para educar en igualdade, porque a realidade é que nos atopamos con situacións todavía hoxe que non nos gustan, que son inxustas e nas que debemos facer todo o posible para acabar con elas. 

Aquí tendes as lectoras e lectores.

O alumnado de 2º compartiu a lectura "Artur e Clementina", clásico sobre a desigualdade de Adela Turín e Nella Bosnia (editorial Kalandra), para os compañeiros/as do 1º ciclo e máis de Infantil.

As nenas e nenos de 3ºA leron "Cuando las niñas vuelan alto", de Raquel Díaz Reguera (editorial Lumen), un conto con moita salida e moi apreciado polo alumnado desta idade. 

Por último, no 3º ciclo, o alumnado de 5º leu "La niña de rojo", de Aron Frisch e Roberto Inocenti (editorial Kalandraka). 

Na biblio tamen tivemos unha recompilación de LECTURAS COEDUCATIVAS e sobre igualdade que se podían levar en préstamo.

No ESPAZO FEDELLEIRO, contamos cunha sinxela proposta da historia "Arturo e Clementina", que consistía en ordenar a secuencia de imaxes tal e como sucede na historia.

Compartimos tamén por aquí a proposta visible resultante da coordinación dos equipos de centro. Tomando de referencia o libro "Cuando las niñas vuelan alto...", fixéronse estas gran ás nas que participou todo o alumnado do centro. 

Deica pronto!

PDI: Déixame que che conte...

 Boas biblipingueiros/as!!

Que tal estades?

Por aquí estivemos algo desconectadiñxs pero agora volvemos á carga con cousiñas novas e con nova temática para o noso proxecto anual: DÉIXAME QUE CHE CONTE... 

Este curso imos profundizar no traballo dos contos e dos distintos xéneros literarios: narrativa, teatro, poesía, banda deseñada... 

Tamén brindaremos ferramentas para a creación literaria, pois non se sabe onde pode estar o próximo escritor ou ilustradora de éxito... e queremos que a imaxinación voe para crear historias marabillosas! 

Apuntádesvos a esta viaxe?

Aquí vos deixamos unhas breves indicacións de como imos a traballar:

E para dar comezo a esta andanza, o pasado 24 de outubro, no Día das Bibliotecas o alumnado superou un xogo de pistas, no que descubría o PDI e levaba un pequeno agasallo!

Podedes disfrutar deste pequeno resumo do Xogo de pistas na biblio! Esperamos que o pasárades xenial e que coidades moito o voso agasallo.

Deica pronto!!

E ti... que vas ler?

Para rematar o curso, como cada ano, compartimos con toda a comunidade educativa unhas RECOMENDACIÓNS LECTORAS para este verán.

Pinchade na imaxe e poderedes ver un montón de exemplares que seguro terán éxito!

Se ledes algún exemplar podedes compartir a vosa opinión mandando un email a bibliolaracha@gmail.com, a través de texto ou vídeo, que compartiremos á volta das vacacións en setembro.

E con isto pechamos a nosa biblio ata o próximo curso bibliopingueirxs!

Un curso moi intenso, no que dende o equipo de biblioteca, esperamos que as propostas realizadas vos gustarán e serviran, sobre todo, para aprender dun xeito diferente.

Moitas grazas a todo o alumnado do cole, especialmente aos colaboradores e colaboradoras que pasaban o recreo axudando. Tamén agradecer a partitipación de todo o profesorado.

Unha aperta xigantesco!

FELIZ VERÁN! =)

As lendas do Otero Pedrayo

Boas de novo!

Dende fai unhas semanas xa tedes na biblioteca de forma física "As lendas do Otero Pedrayo", que pasarán a formar parte da nosa biblioteca e que son o resultado final do noso PDI do curso "Galicia Meiga"

Grazas de novo a todxs por participar. 

Agora compartimos con vós as lendas escritas a través de formato dixital, para que poidades consultalas sempre que queirades.

Tamén compartimos as que se fixeron en formato vídeo:

"A lenda máxica de Gabenlle", realizada polo alumnado de 6º de Infantil.

"Cando Ramoniño coñece a natureza", de 1ºA. 

"O sequio e a viaxe de Ramoniño", de 1ºB.

"A lenda do Místero e os Romanos", de 1ºC.

De 6ºB, "Asubíos con ás".

E por último o podcast de 5ºB "O misterio de Soandres". 

https://drive.google.com/file/d/1p1DzgyUb5eRtE-KKwnHsWlTAQJp7tFhD/view?usp=sharing

Noraboa polo gran traballo feito! 

Colaboradores na biblio!

 Ola de novo!

Compartimos con vós a despedida do alumnado colaborador deste 3º trimestre.

Por aquí temos ao alumnado de 5º curso.

Tamén aos de 6º, que estaban de celebración na súa graduación. 

E por último ao alumnado de 4º.

Moitísimas grazas rapaces e rapazas por participar na organización da biblioteca, sen vós non sería posible!

Para o próximo curso contamos de novo con vós, para máis e mellor!

Deicalogo!

Últimos viaxes das "Mochilas viaxeiras"

Por aquí voltamos!

Imos rematando xa o curso e por aquí deixamos aos últimos nenos e nenas que levaron as mochilas viaxeiras temáticas do 2º ciclo. 

Aquí temos a María García de 3ºA e a Roque, de 3º tamén.

Tamén a Sophie e Wiam de 4ºC

E, por último, a Candela, Noa Monteserín e Cristian de 3º curso.

O próximo curso estas mochilas volverán viaxar ás casas das nosas familias, compartindo momentos e historias!

Agardamos que o alumnado que as levara disfrutara moito con elas e grazas por aportar a vosa opinión nas libretas que enviamos. 

Un saúdo!

Extra extra: a nosa radio xa ten nome!

 Ola ola biblipingueiros!

Por aquí estamos de novo... esta vez con dous anuncios moi especiais da nosa RADIO. 

Por unha banda, a despedida do alumnado de 6º de Primaria, que xa marcha para o insti e quixeron deixarnos unhas mensaxes!

Podedes escoitalas aquí! https://go.ivoox.com/rf/88418529

E por outra banda, despois de todo o curso, por fin por fin... 

temos NOME OFICIAL DA RADIO!!!!!

Para descubrilo clicade na imaxe!  Parabéns a aula de 1ºB, pois a súa proposta foi a elexida!

E ata aquí a andanza da nosa radio este curso, para o próximo septembro máis e mellor!

Grazas a todas as rapazas e rapaces de 5º e 6º que participaron e tamén as titoras que se atreveron a probar este novo espazo.

Apertas enormes!

Animación á lectura: Celtia Figueiras e Toupiciencia

 Ola ola de novo!

Hoxe compartimos con todos e todas vós dúas actividades que tivemos na nosa biblio de animación á lectura, por parte da compañía "A Xanela do Maxín". 

Tivemos a sorte de contar coa visita de Celtia Figueiras, co seu contacontos "Ú´la lúa?". 

O alumnado de 2º, 3º e 4º de Primaria quedou marabillado! E estamos desexando coñecer a segunda parte desta entrega, que según nos chivou Celtia, agárdase para setembro! 

Ademais deixounos uns exemplares firmados con moito agarimo para a nosa biblio! Que sorte!

As nenas e nenos de 1º de Primaria e 6º de Infantil puideron disfrutar coa actividade de "Toupiciencia", da man de "Petronio" e a Toupiña. Canto nos rimos e tamén canto aprendemos! Poñeremos os experimentos pronto en marcha! 

Para o próximo curso quremos máis visitas!

Vémonos pronto amiguiñxs!!

Lecturas en voz alta: As lendas do Otero Pedrayo

Boas de novo amigas e amigos. 

A actividade de LECTURAS EN VOZ ALTA converte en protagonistas ao alumnado, pois no mes de maio e xuño seran lidas as LENDAS que se elaboraron para o PDI do cole "Galicia Meiga", compoñendo así As Lendas do Otero Pedrayo.

Nesta primeira volta, leron estas lendas que vedes no cartel, algunhas delas en formato vídeo, que pronto compartiremos:

Aquí tendes as lectoras e lectores:

Para 5º e 6º leron Paula Bello e Sara de 6ºA; e Alba, Hugo e Daniela de 6ºB.

Para o 2º ciclo, 3º e 4º de Primaria leron Enma, Kemilly e Sergio de 3ºB; e de 4ºA Leyre e Marta. 

Para 1º e 2º de Primaria, participaron Hugo, Naia, Inés e Sabela de 2ºC. 

Graciñas por ler a a todxs por vir escoitar!

E aquí compartimos a segunda ronda de lecturas:

Para o 3º ciclo de Primaria leron:

De 5ºA, Kevin e Diego.

Shaila e Martina de 5ºB

De 5ºD Iván, Laura, Paula e Lara.

Aquí tedes a Pablo e Alexia de 4ºC

E tamén a María, Carmen, Martín, Rubén e Bruno de 3ºC.

Para o 1º ciclo contamos con Martín, Yasmina e Anxo de 2ºA, que leron a lenda de Infantil

Ata pronto!