PDI: Unha volta oa mundo e Novidades

 Boas de novo queridxs lectores e lectoras!

Como vos anunciamos coa apertura da biblioteca, este curso o PDI de centro céntrase en coñecer a cultura e características de distintos países do Mundo. Cada nivel escolleu un país para traballar máis en profundidade, se ben tentaremos de dar a volta en 80 días como Willy Fog. 

O pasado venres 24, o DÍA DAS BIBLIOTECAS, presentamos a proposta de traballo a través dunhas maletas con distinto material: fondos divulgativos, exemplar narrativa situado no país, receita, xogo, música, unha flor, distintos fondos relacionados... E xunto con este material, por suposto, a proposta de traballo anual. 

Agora si xa estamos preparados e preparadas para comezar esta viaxe e descubrir mundo. Acompañádesnos?

Para complementar as maletas, o equipo de biblioteca buscou fondos que permiten traballar as distintas competencias e afondar nas habilidades de lectura: atlas, guías culturais, material artístico, narrativa, cómic... 

Aproveitamos tamén esta publicación  para ensinarvos as NOVIDADES coas que contamos na biblioteca neste mes de outubro. Temos unha morea de libros novos que podedes xa levar en préstamo. 

Deixamos por aquí unhas fotos para que busquedes por idades.

Agardamos que vos gusten:

INFANTIL

1º CICLO

2º CICLO

3º CICLO

Un saúdo!

Vémonos pronto

De volta... polo mundo!

 Ola ola bibliopingueirxs!

Voltamos este curso de novo con moitas ganas e unha chea de cousas que contarvos.

Comecemos polo principio... a nosa biblio volve a abrir de novo este XOVES 2 DE OUTUBRO. Así que en nada podedes visitarnos e desfrutar das novidades lectoras. 

Durante o curso pasado o noso cole converteuse no centro do Universo e viaxamos a través das estrelas para coñecer todos os planetas. Pois este curso imos seguir descubrindo...porque imos dar

"UNHA VOLTA AO MUNDO"

Este é o Proxecto Documental Integrado (PDI) que imos desenvolver durante este curso 2025-2026. Viaxaremos por distintos continentes e acompañaremos a Ramoniño na súa visita a numerosos países: a cultura, o idioma, a súa arte e monumentos, a gastronomía, as costumes...

En nada, o DÍA DAS BIBLIOTECAS, o 24 de outubro, teredes que pasar pola nosa biblioteca para recoller unha sorpresa e comezar xuntos esta viaxe sorprendente. Estades preparadxs?

Vémonos pronto!

Benvidxs a un novo curso viaxeiro!

BO VERÁN!

 Boas amiguiñas e amiguiños!

Acabou o curso, pero antes de despedirnos queremos compartir con vos algunhas cousiñas. 

En primeiro lugar, agradecer aos colaboradores e colaboradoras do terceiro trimestre a súa axuda, grazas a elas e eles a nosa biblio segue a funcionar nos recreos de xeito moi eficaz.

Compartimos tamén con vos as nosas recomendacions lectoras para este verán, cheas de novidades que estamos seguras de que vos encantarán. Toca na imaxe para consultar.

Por último, deixamosvos por aquí, un dos traballos, o do alumnado de 3ºC, como parte da proposta creativa que se propuxo ás aulas sobre o teatro. Esperamos que vos guste! (Toca na imaxe para velo)

E sen máis, desexamosvos que pasedes un bo verán e que recarguedes enerxía para voltar con máis forza o próximo curso!

Unha aperta de todo o equipo de B
ibliolaracha!

LECTURAS COMPARTIDAS

Ola amiguiñxs!

No mes de maio aproveitamos o bo tempo para facer lecturas compartidas no exterior. Os nenos e nenas máis maiores escolleron un conto para levarlles aos máis pequenxs e poder desfrutar así dun ratiño de lectura. Aquí vos deixamos algunhas fotiños.

 

Vemonos pronto! =) 

VISITA DE PACO NOGUEIRAS

Boas compañeiros e compañeiras

 A principios de Maio os nenos e nenas de infantil desfrutaron da visita de Paco Nogueiras, que veu cunha chea de contos a facernos rir e cantar. Contounos Cinco ratiños, Polo mar salgado, Violín e  Bim bam bum.

Ate pronto Paco Nogueiras!!

 

 

DÍA DO LIBRO

 O día 23 de abril celebramos o Día do Libro por todo o alto. Dende a biblioteca propuxemos un día temático no que, tanto os nenos e nenas, coma os profes, podían vir caracterizados dunha personaxe de conto. Nesta xornada fixemos un percorrido por diferentes estacións de xogo relacionadas cos distintos xéneros literarios que dirixiron os colaboradores de quinto de primaria.

 

Estación 1: "adiviñacontos" con mímica

Estación 2: quiz sobre contos e libros

 

 Estación 3: creamos historias con Story Cubs

 

 

 Estación 4: entrevista sobre os nosos libros favoritos

 

 

Estación 5: creamos poemas

  

 

 

Estación 6: debuxamos o noso conto favorito

 

  

 

 Estación 7: creamos viñetas 

Ao final do percorrido sacamos unha foto con Ramoniño e recollimos un agasallo para recordar este día.

Proximamente estará dispoñible na nosa biblio unha recopilación dalgún do material que se creou nesta xornada, estade moi atentos!!

 

Aproveitamos tamén para dar as grazas ós colaboradores do segundo trimestre!!

Ate pronto =)

 

BIBLIOLARACHA, A ESCENA!

 Boas compañeiros e compañeiras,

Este ano o lema das bibliotecas escolares é "Biblioteca escolar, a escena!", có obxectivo de "ler, interpretar, radiar, escribir e gozar co TEATRO" (Bibliotecas escolares). É por isto que dende a biblioteca propuxeronse difernetes actividades relacionadas có mesmo.

O alumnado de infantil puido desfrutar dunha obra de teatro con marionetas sobre o universo, a temática do PDI deste ano, da man dalgunhas das profes do equipo de biblioteca.

Aproveitamos marzo, mes no que se celebra o Día do teatro (27 de marzo), para facer obradoiros de teatro para o alumnado de primaria da man de Galeatro, unha compañía de teatro da nosa zona, e Rebeca Vecino, actriz e profesora de teatro.

Ademais, para motivar o achegamento a este xénero literario proporcionamos exemplares de obras de teatro escritas ás aulas o lles propuxemos unha actividade consistente en elaborar un producto final relacionado có teatro, que se exporá no cole para o desfrute de todos e todas. Con que nos sorprenderán esta vez? 

Vemonos amiguiñxs!

8M

 Ola a todos e a todas.

No mes de marzo tivemos lecturas en voz alta na biblio para conmemorar o 8M, o Día Internacional da Muller.

Clara, Enma, Einar, Sofía, Lois e Tiago, de 1º, leron "(Non) a todas asnenas lles gusta o rosa" de David Pintor, da editorial Xerais.

Hugo S., Álex, Hugo B., Valeria e Yaiza, nenos e nenas de 4ºC, leron "Cuentos de buenas noches para niñas rebeldes 1" de Elena Favilli e Francesca Cavallo.

E Paula, Rubén, Martín, Noa, Simón e Diego, e 6ºB, leron a segunda parte do anterio, "Cuentos de buenas noches para niñas rebeldes 1" tamén de Elena Favilli e Francesca Cavallo.

Dende o espazo fedelleiro da biblio tamén puxemos en marcha os obradoiros temáticos. Comezamos cun taller de lapis acuarelables, no que pintaron debuxos relacionados co 8M. Aquí podedes ver o precisos que quedaron.

Ate pronto amiguiñxs! =)